A pastelería O Trigal, que xa se fixo un nome polas súas espectaculares monas de Pascua, deu unha interpretación á figura de Bruno Catalano Lle Grand Van Gogh. O obxectivo é retratar aos viaxeiros que marchaban sen nada para pelexar por darlles aos seus fillos e á súa familia máis recrusos. «Así interpretamos esta figura, na que o corazón non acompaña á esencia do emigrante, non aparece reflectido no seu corpo, fáltalle algo».
Desde O Trigal queren unir ás dúas xeracións de emigrantes. «Cambiamos o barcos e os trens por avións e as cartas por emails e teléfonos, pero o que non cambia son os sentimentos», apuntan desde a pastelería, que ten dúas sedes, en Marqués de Valladares e en Alexandre Bóveda.
No pasado xa usaron o chocolate para crear grandes esculturas coas súas monas, como o Monumento ao traballo, coñecido como os redeiros en Gran Vía ou a obra dos cabalos de Praza de España. Os pedazos do emigrante de chocolate serán repartidos entre a clientela o vindeiro domingo de Pascua.