GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Seguridade Social gaña 24 afiliados estranxeiros en febreiro en Galicia e sitúase en 31.624

(22/03/2013)

A Seguridade Social gaña 24 afiliados estranxeiros en febreiro en Galicia e sitúase en 31.624

O número de cotizantes estranxeiros caeu o mes pasado en 3.964 en toda España, que encadea sete meses de caídas

20 minutos.es/EUROPA PRESS. 21.03.2013

A Seguridade Social gañou en febreiro 24 afiliados estranxeiros en Galicia, o que supón un leve incremento do 0,08% con respecto ao mes anterior e sitúa o total de cotizantes en 31.624, de acordo cos datos publicados polo Ministerio de Emprego e Seguridade Social.

La Seguridad Social gana 24 afiliados extranjeros en febrero en Galicia y se sitúa en 31.624

En toda España, a Seguridade Social perdeu 3.964 cotizantes estranxeiros en febreiro, un 0,25% en relación a xaneiro, ata situarse o número de inmigrantes en alta en 1.596.391 ocupados.

Co descenso de febreiro, a afiliación de estranxeiros no conxunto estatal suma a súa sétima caída mensual consecutiva tras as baixadas de agosto, setembro, outubro, novembro e decembro do ano pasado e o retroceso de xaneiro deste ano (-16.517, -19.579, -26.961, -38.201, -17.823 e -45.495 cotizantes, respectivamente).

No caso galego, a variación interanual (respecto aos datos de febreiro de 2012) mostra que a Seguridade Social perdeu 1.835 afiliados, o que supón unha caída do 5,48%. No ranking de comunidades autónomas, Galicia é a sexta con menor número de cotizantes inmigrantes e ocupa o oitavo lugar se se teñen en conta Ceuta e Melilla.

Por provincias, na Coruña conquistaron, respecto a xaneiro, 57 afiliados -ata 11.626-, o que representa unha suba do 0,49%, e en Ourense incrementáronse en 5 -ata 4.136- os cotizantes estranxeiros (un incremento do 0,11%). Fronte a iso, a provincia de Lugo perdeu 32 afiliados estranxeiros (-0,69%) ata os 4.616 e en Ourense caeron en 5 ata os 11.246, o que se traduce nunha caída do 0,04%.

Por réximes, 25.147 están dados de alta no xeneral, que inclúe o agrario -con 1.241 persoas- e o fogar -4.825-; mentres que son 5.001 persoas de alta no de autónomos; e 1.476 no de mar.

En canto aos países de procedencia, de entre os que están integrados na UE, os máis numerosos seguen sendo os portugueses (6.997 en total) e os romaneses (2.188). Dos países de fóra da UE, os máis numerosos son os colombianos (2.122) e os brasileiros (2.062). No seu conxunto, a maior parte dos cotizantes estranxeiros en Galicia -18.992- proceden de países de fóra da UE.

Datos estatais

Do conxunto de inmigrantes afiliados á Seguridade Social a peche de febreiro, seis de cada dez procedían de países non comunitarios (995.890) e o resto (600.502) proviñan de países membros da UE.

Dentro dos países non comunitarios, 190.020 eran de nacionalidade marroquí e 100.616 de nacionalidade ecuatoriana. China, con 85.264 traballadores, sitúase como terceiro país de procedencia de afiliados, por diante de Bolivia, que conta con 78.527 cotizantes.

O resto de afiliados non comunitarios repártense entre Colombia (74.811), Perú (50.623), Ucraína (32.716), Arxentina (32.528), Paraguai (31.378) e República Dominicana (26.498), entre outros.

Pola súa banda, dos que proceden da UE-27, romaneses, italianos e búlgaros son os máis numerosos, con 256.276, 56.619 e 51.959 cotizantes, respectivamente. Séguenlles británicos e portugueses, con 50.897 e 39.802, e algo máis lonxe, alemáns, con 35.821 afiliados, e franceses, con 34.441.


Distribución por comunidades

Por comunidades autónomas, Cataluña e Madrid seguiron concentrando algo máis de catro de cada dez estranxeiros afiliados á Seguridade Social en febreiro pasado, ao sumar entre ambas as dúas o 43,6% do total de inmigrantes ocupados. En concreto, Cataluña contaba con 349.977 estranxeiros cotizantes, mentres que en Madrid a cifra era de 346.477.

Tras estas dúas rexións situáronse Andalucía, con 205.688 afiliados estranxeiros; Comunidade Valenciana, con 170.116 ocupados; Canarias, con 77.625; Murcia, con 77.539; Castela-A Mancha, con 55.846; Aragón, con 52.760; Baleares, con 52.653; País Vasco, con 49.002, e Castela e León, con 48.672.

As comunidades con menor presenza de inmigrantes en alta á Seguridade Social ao finalizar febreiro foron Galicia, con 31.624 estranxeiros; Navarra, con 22.131; Asturias, con 13.276; A Rioxa, con 12.829; Extremadura, con 12.595; Cantabria, con 10.431, e as cidades autónomas de Melilla, con 4.283, e Ceuta, con 2.868.

 

 

Novas e Actualidade


Titulares
Histórico


 ACTIVIDADES

Outubro 2019
LMMeXVSD
 123456
78910111213
14151617181920
21222324252627
28293031   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas