GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Convocados os cursos presenciais das ‘Escolas Abertas 2013’ de Emigración, que aumentan este ano as prazas pola súa demanda

(15/03/2013)

Convocados os cursos presenciais das ‘Escolas Abertas 2013’ de Emigración, que aumentan este ano as prazas pola súa demanda

 
  • O obxectivo deste programa anual da Xunta é facilitar o acceso á formación especializada aos galegos e galegas residentes no exterior en gaita, baile, percusión, canto e pandeireta, e este ano, como novidade, confección de traxe tradicional.
 
Convocados os cursos presenciais das ‘Escolas Abertas 2013’ de Emigración, que a
Santiago de Compostela, 15 de marzo de 2013.

A Secretaría Xeral da Emigración vén de facer pública a convocatoria das bases para os obradoiros de especialización de carácter presencial previstos no Programa Escolas Abertas 2013, dirixido tanto ás comunidades galegas no exterior como a cidadáns e cidadás individuais residentes no estranxeiro, e que terán lugar no vindeiro mes de xullo.

As solicitudes deberán presentarse ata o 15 de abril, e pódense levar á sede da propia Secretaría Xeral en Santiago, ás delegacións da Xunta en Bos Aires e Montevideo, oficinas consulares, consulados ou seccións consulares das embaixadas correspondentes ao domicilio  ou residencia da persoa solicitante, así como descargalas a través da web http://emigracion.xunta.es, coa documentación e segundo os requisitos que detalla a resolución hoxe publicada no Diario Oficial de Galicia.

O número de beneficiarios e beneficiarias aumenta este ano ata chegar ás 90 prazas, das que 75 están reservadas para persoas procedentes de Latinoamérica, 10 para as e os emigrantes noutros países europeos distintos a España, e 5 aos doutras comunidades autónomas españolas distintas a Galicia.

Unha nova disciplina
Ademais de aumentar o número de prazas, crecen tamén as especialidades ás que se poden optar. Se o ano pasado podíase optar a gaita tradicional galega, baile tradicional galego, percusión tradicional galega, e mais canto popular e pandeireta, nesta ocasión increméntase a oferta coa disciplina de confección de traxe tradicional.

A resolución hoxe publicada detalla o procedemento e criterios de selección das e dos participantes nas cinco especialidades, e cómpre salientar que se trata de disciplinas que contan cunha ampla demanda nas entidades galegas no exterior, o que propiciou que nesta convocatoria aumentasen as prazas e tamén o tipo de estudos a cursar.

Emigración faise cargo dos gastos necesarios para o desenvolvemento dos obradoiros, e tamén da estadía e viaxe de todos e todas as participantes neste programa, que han ser sempre maiores de idade. ‘Escolas Abertas’ é unha iniciativa que conta xa cunha longa tradición, e esperta unha importante expectación entre a diáspora galega.

 

Máis información e instrucións para a cumprimentación de solicitudes: Escolas Abertas presenciais 2013

 

 

Novas e Actualidade


Titulares
Histórico


 ACTIVIDADES

Outubro 2019
LMMeXVSD
 123456
78910111213
14151617181920
21222324252627
28293031   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas