Ad-Ecos, iniciativa da ONGD Ecos do Sur, dentro da súa liña de Ad-Workshop, desenvolverá un Seminario sobre a Elaboración e Xestión de Proxectos Sociais. Terá lugar o próximo sábado 16 de marzo no Centro de Negocios Compostela Norte, en Santiago de Compostela, de 9.30 a 14.30 h., por un prezo de 35 euros.
No seminario abordaranse aspectos como a Elaboración de Proxectos sociais, Como dirixirse a un financiador privado, Formas de financiamento actuais e Xestión de proxectos. Ademais incluirá 8 horas prácticas de tutorización na elaboración dun proxecto social. Esta iniciativa vai dirixida principalmente a estudantes de ramas sociais, traballadores e traballadoras en activo en entidades sociais, emprendedores e emprendedoras sociais e profesionais que queiran deseñar un proxecto social.
Será impartido polo Director de Ecos do Sur, o sociólogo Francisco Hurtado Durán, quen dirixiu máis de 200 proxectos, conseguindo que máis de 60 financiadores, entre eles Inditex, La Caixa ou Fundación Vodafone, apoiasen distintos proxectos da entidade.
As inscricións pódense realizar no teléfono (+34) 633 556 279, no teléfono (+34) 722 255 612 ou tamén a través do correo electrónico en info@ad-ecos.com.
