(01/03/2013)
A Valedora do pobo española pide sanidade para inmigrantes moi enfermos
lainformacion.com
mércores, 27/02/13
Madrid, 27 febreiro - A Valedora do pobo de España reclama o Ministerio de Sanidade que garanta o "acceso efectivo" á protección da saúde para os inmigrantes irregulares con enfermidades graves.
A petición inclúese no seu informe para 2012, ano no que a nova norma do Goberno, que establece o copagamento en función da renda, incluídos os pensionistas, e a retirada da tarxeta sanitaria aos "sen papeis" foi un dos asuntos máis estudados pola institución.
O cambio legal introducido "adquire unha dimensión nos supostos de maior vulnerabilidade", como é o caso dos inmigrantes irregulares con procesos graves.
Por iso, a Valedora do pobo, Soledad Becerril, pediu que se diten "as instrucións precisas para a axeitada atención" destas persoas.
Dende o 1 de setembro de 2012, coa entrada en vigor da norma, máis de 153.000 inmigrantes irregulares perderon a súa tarxeta sanitaria en España e só teñen dereito ás urxencias, a maternidade e a atención infantil ata os 18 anos.
Para recibir unha cobertura completa deben pagar unha cota mensual.
Debido á crise que sofre España dende 2007, moitos inmigrantes perderon o seu traballo e polo tanto a posibilidade de renovar o seu permiso de residencia, co que quedan en situación "irregular" e perden o seu dereito a recibir asistencia sanitaria completa.
O Goberno español xustificou a medida para garantir a sostibilidade da Sanidade pública, afectada dunha débeda de 16.000 millóns de euros (20.000 millóns de dólares).
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas