GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Xustiza europea declara ilegal o cálculo de pensións en España que prexudica aos emigrantes

(22/02/2013)

A Xustiza europea declara ilegal o cálculo de pensións en España que prexudica aos emigrantes

O tribunal da UE pronúnciase trala demanda dunha ourensana á que non computaron os seus anos en Portugal para pagarlle a súa xubilación


Faro de Vigo
22.02.2013 |

PAULA PÉREZ - SANTIAGO O Tribunal de Xustiza da UE ditaminou onte que a normativa española pola que se rexe o cálculo de pensións aos emigrantes galegos retornados contradi as directrices europeas posto que establece "unha desigualdade de trato entre traballadores sedentarios e migrantes". O fallo prodúcese en resposta á consulta realizada polo Tribunal Superior de Xustiza de Galicia en relación ao caso dunha muller, residente en Ourense, que emigrou a Portugal e á que non lle tiveron en conta os seus cinco anos de traballo neste país para calcular a cuantía da súa pensión.

A lexislación española recoñece o dereito a unha pensión de xubilación contributiva sempre que, entre outros requisitos, se tivera cotizado un mínimo de quince anos. A cuantía da pensión calcúlase en función das bases de cotización do traballador durante os seus últimos quince anos de vida laboral, pero exclúense os periodos no estranxeiro.

No caso da traballadora afectada, o Instituto Nacional da Seguridade Social non computou os seus cinco anos de traballo en Portugal, de maneira que a súa pensión quedou reducida a 336 euros mensuales.

Esta muller cotizou primeiro en España no Réxime Especial de Traballadores Autónomos entre o 1 de febreiro de 1989 e o 31 de marzo de 1999. Despois marchouse a Portugal onde estivo traballando entre o 1 de marzo de 2000 ata o 31 de decembro de 2005.

A Seguridade Social tivo en conta o seu periodo no estranxeiro á hora de determinar si cumpría co mínimo de anos cotizados para ter dereito a unha pensión. Xuntando a súa etapa en España e Portugal esta muller sumaba xusto 15 anos de traballo, de maneira que lle corresponde unha pensión contributiva.

O problema xorde á hora de calcular a cuantía. O Instituto Nacional da Seguridade Social obvia o periodo de cinco anos de traballo en Portugal e utiliza as bases de cotización dos quince anos anteriores á súa marcha ao estranxeiro, entre 1984 e 1999. Con todo, tendo en conta que esta muller non empezou a traballar ata 1989 os anos previos compútanlle a cero, de maneira que a cuantía da súa pensión queda rebaixada a 336 euros mensuales.

Esta traballadora solicitou unha revisión desta prestación para que se computen os seus anos traballados en Portugal, o que elevaría a pensión a 864 euros mensuales. A súa reclamación foi desestimada, de maneira que acudiu ao xulgado do social número 3 de Ourense, onde tampouco lle deron a razón. E de alí recorreu ao Tribunal Superior de Xustiza de Galicia.

O alto tribunal galego considera que a pensión que se fixou para esta muller axústase á normativa española, pero dubida de que estas regras respecten as directrices da Unión Europea e por iso decidiu trasladar unha consulta respecto diso ao Tribunal de Xustiza da UE.

A corte europea dictou onte sentencia e advertiu a España que "os estados membros deberán respectar o dereito da Unión e, en concreto, a liberdade que se recoñece a todo cidadán da UE de circular e residir no territorio dos Estados membros".

Segundo aconsellan, a normativa española debería adaptar o sistema de cálculo das pensións de xubilación para que teña en conta "o exercicio por parte do traballador do seu dereito á libre circulación".

Por esta razón, o fallo resolve que o dereito da UE "oponse á normativa española.

 

 

Novas e Actualidade


Titulares
Histórico


 ACTIVIDADES

Agosto 2019
LMMeXVSD
   1234
567891011
12131415161718
19202122232425
262728293031 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas