«Galizien Amerika Linie» mostra na Coruña o noso pasado emigrante

(18/02/2013)

«Galizien Amerika Linie» mostra na Coruña o noso pasado emigrante

Xacarandaina presentou no Colón o seu último espectáculo

Autor:

Dolores Vázquez

Localidade:

A Coruña

Data

«En Galicia non se pide nada, emigrase», dicía Castelao, sobre un fenómeno que onte á noite se reviviu no Colón coa música e baile de Xacarandaina. Co seu «Galizien Amerika Linie», o público que encheu o teatro coruñés, transportouse co resto da pasaxe que chegou a comezos do século pasado en barco a América ou uns anos máis tarde a outros galegos en tren a Centroeuropa, deixando atrás unha patria rural, sacrificada e pobre. Agora, cando as maletas parecen ser un complemento necesario para buscar un mellor porvir, o espectáculo dirixido por Quique Peón serve para non esquecer a nosa historia. O novo espectáculo etnográfico de Xacarandaina, que percorreu varias cidades galegas, xa fora presentado, ao aire libre, o pasado verán na Coruña.