A inmigración en Alemaña aumenta pola crise no sur de Europa

(31/01/2013)

A inmigración en Alemaña aumenta pola crise no sur de Europa

EFE - Berlín

30/01/2013


A inmigración en Alemaña aumenta pola crise no sur de Europa

A inmigración en Alemaña está en aumento, en parte impulsada pola crise económica que afecta especialmente aos países do sur de Europa, segundo o informe migratorio do Goberno alemán para 2011 presentado hoxe pola ministra adxunta para migracións, Maria Böhmer.

"Alemaña é hoxe un país de inmigración, e iso é bo porque necesitamos especialistas", dixo Böhmer ao presentar o informe.

En total, en 2011 o número de inmigrantes subiu un 20 por cento con respecto a 2010, ata alcanzar as 960.000 persoas.

Aínda que a inmigración ilegal tamén aumentou, a suba máis forte foi a de inmigrantes procedentes doutros países da Unión Europea, que sumaron o 62% do total.

Os principais países de orixe son Polonia, Romanía e Bulgaria, pero tamén houbo un aumento forte de inmigrantes gregos e españois, cun 84 e un 31 por cento máis que en 2010, respectivamente.

Os intentos de ingresar ilegalmente o país, que baixaran en 2010, tiveron en 2011 un aumento do 18,6 por cento. En total, rexistráronse 21.000 ingresos ilegais e a 3.400 persoas impedíuselles entrar ilegalmente en Alemaña ao pasar os controis nas fronteiras.

Alemaña, segundo Böhmer, segue sendo unha das principais metas para os inmigrantes.

"A inmigración pode fortalecernos se logramos orientala correctamente", dixo Böhmer.

"Por iso non podemos repetir os erros de décadas pasadas e abandonar aos inmigrantes á súa sorte", agregou.