Rodríguez Miranda viaxará en marzo a Arxentina e Uruguai

(28/01/2013)

Rodríguez Miranda viaxará en marzo a Arxentina e Uruguai

Redacción, Santiago - Crónicas da Emigración
28 Xaneiro 2013

--------------------------------------------------------------------------------

Tras a súa primeira toma de contacto cos galegos de Barcelona e Londres, o secretario xeral de Emigración, Antonio Rodríguez Miranda, ten previsto viaxar a Alemaña na segunda semana de febreiro, nunha data aínda por confirmar.

A primeira viaxe oficial do secretario xeral será no mes de marzo a Arxentina e Uruguai, a onde podería acudir acompañado do vicepresidente da Xunta, Alfonso Rueda.

O sábado 9 e o domingo 10 de marzo, estarán en Bos Aires e barállase a posibilidade de que vaian a Mar do Prata e Domselaar.

O seguinte fin de semana, Rodríguez Miranda viaxará a Uruguai, onde participará o domingo 17 de marzo na Gran Romaxe do Centro Galego de Montevideo. Dende alí irá ata Brasil, onde está previsto que visite Río de Janeiro e Santos e se reúna co maior número de representantes dos centros.