(28/01/2013)
2012 pechou con 6.553 novos traballadores autónomos estranxeiros
VENRES, 25 XANEIRO 2013
O pasado ano concluíu cun balance total de +6.553 traballadores autónomos estranxeiros. Segundo a Unión de Asociacións de Traballadores Autónomos e Emprendedores (UATAE), o 89,90% das novas altas protagonízanas os estranxeiros extracomunitarios.
Os traballadores autónomos chineses son os que maior emprendimiento demostran, cun incremento do 8%. Así con 3.177 novas altas aglutinan o 48,48% do total do crecemento.
Marrocos e Romanía seguen a China cunha participación do 10,70% e o 10,40% respectivamente. O 30% restante repártese entre o resto de países, sendo destacable os 291 novos autónomos de orixe italiana, que supoñen o 4,44% do total de novas altas.
Para María José Landaburu, secretaria xeral da Unión de Asociacións de Traballadores Autónomos e Emprendedores, UATAE, a clave dos autónomos chineses é ofrecer produtos e servizos low cost e encontrar facilidades en acceso ao financiamento.
Non obstante, Landaburu recorda que son moitos os que emprenden como única alternativa ao desemprego, que ataca aos sectores de poboación máis desfavorecidos, polo que considera que se debe promover o autoemprego de forma responsable, dotando aos emprendedores das ferramentas necesarias como a formación, o financiamento e o apoio para que as súas actividades perduren no tempo. www.redinmigrante.es
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas