GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Carballo. Unha cea para recordar o equipo de fútbol alemán

(15/01/2013)

Unha cea para recordar o equipo de fútbol alemán

Autor:
Harry Dorial
Data

Hai 41 anos, xusto no mes de xaneiro, un grupo de mozos emigrantes, a maior parte galegos, creaban, xunto a outras da zona, un equipo de fútbol nun pequeno pobo preto de Dortmund, en Alemaña. Ao club, de nome Westhefen, tivo percorrido, case ata a entrada dos anos noventa. E non era o típico club de amigos que se reúnen de cando en vez a botar a pachanga, algo moi común en Suíza, por exemplo, senón un federado, de liga regular e esixente, máis ou menos equivalente á nosa Rexional Preferente. Os seus xogadores non eran só galegos: había algúns alemáns, italianos e doutras nacionalidades.

Daquela longa experiencia, que axudaba a manter baixo control a nostalxia, estimulaba a camaradería e ademais permitía manterse en forma, queda un grupo de amigos que, de cando en vez, reúnense para recordar os vellos tempos. Non só dos que estaban sobre o céspede, senón os que tamén colaboraban como socios.

O sábado citáronse por cuarta vez neste tempo, e nesta ocasión o lugar elixido foi o restaurante Aldeola de Cerqueda. Xuntaron a 36 persoas en total, boa parte deles de Carballo e comarca, pero tamén viñeron a propósito de lugares máis afastados, como Santander, o Bierzo leonés, A Coruña, Ferrol, Vigo ou Pontevedra.

O feito de que se celebre en Carballo obedece en boa medida a que un dos organizadores, Jesús Suárez Pallas, que pertenceu ao equipo ata 1988, é carballés.

Como curiosidade, daquela época aínda quedaba diñeiro gardado nunha caixa de aforros, fondos que viñeron moi ben para axudar a sufragar a cea.

O caso deste grupo de amigos que traballou en Alemaña nos anos duros (e a miúdo felices) da emigración española, recorda aos clubs que outros galegos crearon sobre todo ao redor de Xenebra (Cerceda e Tordoia destacaron nesta zona, e aínda o fan) e Berna, ademais doutras en pequenas localidades. E, se a emigración segue polo camiño que vai, se cadra repítese.

 

 

Novas e Actualidade


Titulares
Histórico


 ACTIVIDADES

Abril 2019
LMMeXVSD
1234567
891011121314
15161718192021
22232425262728
2930     
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas