GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O AEG vén de publicar o "Catálogo das publicacións periódicas da colectividade galega na emigración"

(04/01/2013)

O AEG vén de publicar o "Catálogo das publicacións periódicas da colectividade galega na emigración"

 
 
Xoves, 03.01.2013
  • Trátase dun primeiro instrumento de descrición das publicacións conservadas polo Arquivo da Emigración Galega en diferentes soportes (papel, dixitalizadas, microfilmadas, etc.).
  • Atópanse cabeceiras editadas en Arxentina, Bolivia, Chile, Canadá, Costa Rica, Cuba, Uruguai, Estados Unidos, Brasil, Holanda, España, Suíza, Francia, Alemaña, etc...

Catálogo das publicacións periódicas da colectividade galega na emigración. Foto: Consello da Cultura Galega.

O Arquivo da Emigración Galega (AEG) vén de poñer á disposición das e dos seus usuarios este Catálogo das publicacións periódicas da colectividade galega na emigración. Trátase dun primeiro instrumento de descrición das publicacións conservadas polo AEG en diferentes soportes (papel, dixitalizadas, microfilmadas, etc.). Con este catálogo preténdese facilitar a localización das publicacións periódicas ás e aos investigadores interesados na temática emigratoria, pero tamén serve como un instrumento de difusión dos fondos hemerográficos do AEG.

O Arquivo da Emigración Galega, desde a súa creación, está levando a cabo unha intensa labor de recuperación das publicacións editadas na emigración (ben a través da microfilmación, reprodución xerográfica ou por doazóns das sociedades de emigrantes, institucións ou de particulares) que se atopan nas súas instalacións como obras de consulta para os estudiosos e as estudiosas dos fenómenos migratorios. A maior parte tratan sobre a emigración galega, estando realizadas por e para as e os emigrantes, aínda que tamén aparecen numerosas publicacións da colectividade española ou doutras colectividades emigrantes.

Xeograficamente, ao igual que a emigración galega, as publicacións proceden de numerosos países, tanto europeos como americanos, así como doutras zonas de España; destacan cuantitativamente (non só polo número de cabeceiras senon que en moitos casos dispoñemos de gran parte da edición das principais publicacións galegas) as editadas na Arxentina, Cuba, Uruguai, Estados Unidos ou Brasil, etc.; en Europa, Suíza, Francia, Alemaña e sobre todo España, destacando as publicadas en Cataluña, País Vasco, ou Madrid, principais lugares de asentamento dos galegos na Península ao longo do século XX.

Cronoloxicamente, comprenden desde as primeiras publicacións editadas pola colectividade galega fóra de Galicia, como El Eco de Galicia (A Habana, 1878), La Ilustración Gallega y Asturiana (Madrid, 1879), El Gallego (Bos Aires, 1879) ata as revistas e boletíns sociais que se seguen a publicar na actualidade ou prensa actual dirixida á colectividade emigrante/inmigrante.

 

 

Novas e Actualidade


Titulares
Histórico


 ACTIVIDADES

Novembro 2019
LMMeXVSD
    123
45678910
11121314151617
18192021222324
252627282930 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas