GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O Concello da Coruña promoverá a integración de inmigrantes co programa Agra-Activa

(11/12/2012)

O Concello da Coruña promoverá a integración de inmigrantes co programa Agra-Activa

 
 
Martes, 11.12.2012
  • O proxecto, desenvolvido a través da ONG Ecos do Sur, inclúe itinerarios personalizados para a inserción sociolaboral e apoio psicolóxico a familias.

Imaxe da presentación do programa en María Pita. Foto: La Opinión de A Coruña.

O Concello da Coruña, a través da Concellaría de Servizos Sociais, favorecerá a integración da poboación inmigrante a través dun programa, que se enmarca dentro do Urbana C, e que incluirá asesoramento para a inserción sociolaboral e apoio psicolóxico ás familias.

Este novo proxecto, desenvolvido a través da ONG Ecos do Sur, pretende revitalizar o barrio do Agra do Orzán a través da participación activa da poboación inmigrante que reside na zona, favorecendo a súa integración mediante "o entendemento, o diálogo e a convivencia intercultural", segundo indicou o concelleiro de Servizos Sociais, Miguel Lorenzo.

Segundo sinala a casa do concello, o barrio do Agra do Orzán é a zona da Coruña onde conviven máis nacionalidades, con persoas procedentes de 30 países diferentes. Así, neste barrio coruñés vive un de cada dez coruñeses e coruñesas e, dentro del, un de cada dez residentes é de procedencia foránea, explicou Lorenzo.

 

Recursos gratuítos
Por iso, Agra-Activa permitirá poñer a disposición das e dos inmigrantes que residen no barrio unha serie de recursos gratuítos, entre os que destaca os itinerarios personalizados de inserción sociolaboral ou as iniciativas emprendedoras, coa que recibirán asesoramento de xeito individualizado para a posta en marcha dunha idea de negocio.

Ademais, segundo informa o concello, porán a disposición un equipo de mediadores e mediadoras de diferentes partes do mundo para estimular a comunicación e o entendemento intercultural. Tamén contarán con asesoramento social para explicar ás e aos inmigrantes como acceder aos recursos sociais que teñen á súa disposición.

 

 

Novas e Actualidade


Titulares
Histórico


 ACTIVIDADES

Decembro 2019
LMMeXVSD
1234567
891011121314
15161718192021
22232425262728
293031    
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas