(05/12/2012)
A Unión de Asociacións Galegas de Arxentina entregou as distincións muller e nova galega do ano
Redacción, Bos Aires -Crónicas da Emigración
05 Decembro 2012
As premiadas pousan coas autoridades e asistentes ao acto.
A Federación Unión Asociacións Galegas entregou, durante a celebración do seu 24º aniversario, as distincións á muller e nova galega do ano.
A distinción nova galega do ano recaeu en Nadia Silva e as de muller galega en María del Carmen Araujo Baliñas e Josefa "Finita" Silva Castro.
María del Carmen Araujo é a actual presidenta da Asociación Galega de Residentes de Vigo e ten unha longa traxectoria na colectividade, foi socia desde 1950, integrante do coro da entidade e membro da Comisión desde fai varios anos. Josefa "Finita" Silva, pola súa banda, é a actual presidenta da Asociación Española de S.M. de Porto San Julián, na provincia de Santa Cruz, quen foi proposta para esta distinción pola Asociación Santa Comba de Xallas.
Finita naceu en Fisterra e partiu cara a Arxentina cando tiña 10 anos, reclamada por unha tía que xa levara a unha irmá maior. En Porto San Julián foi directora dunha escola entre outras actividades docentes
Finita, hoxe ten 65 anos, enviudó aos 40 anos con 3 fillos e volveuse a casar co correr dos anos, e como é habitual nela, presentouse ao acto co seu vestido galego.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas