- Esta histórica institución conta con milleiros de persoas asociadas.
- Así mesmo, é membro permanente da Comisión Delegada do Consello de Comunidades Galegas.
Chegouse ata a Quinta que a entidade ten a carón do sanatorio, na compaña de bandeiras e traxes tradicionais
Co gallo da celebración do 95 aniversario da Casa de Galicia de Montevideo, o día 25 de novembro pasado rematáronse as festividades coa organización dunha grande Romaría como fai moitos anos non se facía nesta histórica institución galega da capital do Uruguai.
O festexo comezou coa saída en procesión da imaxe da Inmaculada Concepcion de Maria que, dende o Hogar Español para Anciáns, percorreu polas rúas montevideanas o treito que os separa ata a Quinta que a institución posúe a carón do seu hospital. Alí, nun clima de xolgorio e algarabía case un milleiro de persoas brincaron ao son das gaitas e xantaron as comidas típicas de Galicia, gozando dunha tradición recuperada despois de case vintecinco anos