Socios do Centro Galego de Bos Aires poderán acollerse a un plan de amnistía

(20/11/2012)

Socios do Centro Galego de Bos Aires poderán acollerse a un plan de amnistía

Redacción, Bos Aires |Crónicas da Emigración. 19 Novembro 2012

O Centro Galego de Bos Aires lanzou a semana pasada un plan de amnistía, a partir do primeiro de novembro e por un prazo de 90 días.
O devandito plan está dirixido aos socios da entidade que fosen dados de baixa no período comprendido desde novembro de 2010 ao 31 de agosto de 2012, o que lles permitirá que, acolléndose á amnistía, manteñan a súa categoría, número de socio orixinal e antigüidade en canto a dereitos de servizos, procedéndose á condonación da débeda que tivesen por cotas sociais.
Para asesorarse sobre o particular, os interesados poden concorrer á sede de Belgrano 2199, planta baixa, oficina de admisión de socios, ou comunicarse chamando aos teléfonos: 4127-1202 ou 1209, en horario de 9,00 a 17,00 horas