(13/11/2012)
A asociación de emigrantes realizou diversas actividades durante o mes de outubro
Outubro foi un mes moi activo para os galegos residentes en Chile. A asociación As Galego celebrou o Día da Hispanidade, iniciou un seminario de bailes galegos, inaugurou unha exposición plástica e presentouse na cidade de Antofagasta.
A festa da Hispanidade foi inaugurada polo embaixador de España, Íñogo de Palacio, o cónsul Juan Serrat e o presidente de Estadio Español, Juan Ignacio Maiza. Ao longo de diferentes casetas, os asistentes puideron degustar algúns dos pratos máis típicos da gastronomía española e escoitar a música tradicional. Na caseta galega cantouse e covó a gaita.
Despois, entre o 16 e 30 de outubro, levou a cabo o seminatio de bailes avanzados galegos, a cargo do profesor Alexandre Fernández Castro, enviado pola secretaria xeral de Emigración da Xunta.Así mesmo, montouse a Expo Arte Lareira Galega coa Primeira Mostra de Fotógrafos, Gravadores e Pintores con raíces en Galicia, que se realizou do 18 ao 31 de outubro, no Salón O Greco de Estadio Español. Participaron María Luisa Blanco , Aurelia Cifuentes, Carlos Dávila, José Domínguez, Lola Losada, Aída Losada, Olga Martínez, Monserrat Puntarelli, Julio Romero , Alberto Rodríguez, Jacqueline Silva e José Silva.
Os días 19, 20 e 21 de outubro, a Lareira Galega viaxou á cidade de Antofagasta, a 1.361 quilómetros ao norte de Santiago, ao peche das actividades hispánicas do Centro Español, presidido por Ramón da Torre Méndez. A Banda e Conxunto de Danzas, percorreron nun pasacalle o Paseo Prat da devandita cidade, fíxose unha presentación aos asociados do centro e outra á comunidade española en xeral.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas