O Centro Galego de Rosario participa na Festa das Colectividades

(09/11/2012)

O Centro Galego de Rosario participa na Festa das Colectividades

Crónicas da Emigración. Redacción, Rosario | 08 Novembro 2012.

O Centro Galego de Rosario participa, do mesmo xeito que os últimos anos, na Festa das Colectividades Estranxeiras que, nesta 28ª edición, celébrase entre o 9 e o 11 de novembro.

Nesta ocasión a exposición que chega desde Galicia, a través da Delegación da Xunta en Bos Aires, é "Os Adeuses", unha mostra fotográfica de Alberto Martí sobre a emigración galega entre os anos 1957 e 1963. A inauguración da exposición será o sábado, día 10, ás 20,30 horas no estand do Centro Galego.

Posteriormente, ás 23,30 horas, actuará no escenario maior o conxunto de folclore do Centro Galego de Rosario que ofrecerá un espectáculo de luxo coa participación de 50 persoas entre cantareiras, grupo de baile e banda Leira do Son.