(26/10/2012)
Santiago Camba, nomeado conselleiro de Emprego e Seguridade Social en Arxentina
E. Carbajales, Vigo -Crónicas da Emigración 26 Outubro 2012
Santiago Camba visita o Fogar galego para anciáns de Domselaar, en decembro de 2010.
Santiago Camba foi nomeado conselleiro de Emprego e Seguridade Social en Arxentina "por ser idóneo para o desempeño do posto que se lle asigna dada a dilatada experiencia que acredita no ámbito sociolaboral", segundo se asegura no Boletín Oficial do Estado (BOE) no seu nomeamento de hoxe venres.
Ata agora, Santiago Camba era secretario xeral de Emigración da Xunta de Galicia, cargo ao que accedeu en maio de 2009 e no que aínda non cesou. O prazo para a toma de posesión do seu novo posto é dun mes.
O principal obxectivo no seu novo destino será "darlle continuidade a todas as actuacións que está levando a cabo o Ministerio de Emprego a favor dos máis de 400.000 españois que actualmente residen en Arxentina".
Santiago Camba sabe que o labor que vai desenvolver é "arduo e complexo, sobre todo polo volume de poboación, pero con esforzo e traballo espero facer ben esta tarefa".
O ata agora responsable de Emigración da Xunta asegura "ter algo avanzado" para desenvolver o seu traballo, xa que, ademais de ser un gran coñecedor da emigración, ten un especial coñecemento da situación en Arxentina, non en balde, entre 2005 e 2006, foi delegado da Fundación Galicia Saúde en Bos Aires. Previamente, entre 2001 e 2004, fora conselleiro de Traballo e Asuntos Sociais da Embaixada de España en Brasília. "Temos que ter en conta que en Arxentina -explica Camba- hai unha poboación española de primeira xeración que ten moitos problemas no ámbito da atención socioasistencial" e ademais, explica, tamén atendemos a "as novas xeracións cuxo número incrementouse moito debido á Lei da Memoria Histórica".
Respecto da nova emigración, Santiago Camba considera que "os mozos están pensando máis noutro tipo de países, o que non quere dicir que Arxentina non reciba xente". O recentemente nomeado conselleiro de Emprego en Arxentina explica que "hai un fluxo migratorio de ida e volta", xa que os españois que se foron mantiveron a súa relación con España e os seus fillos e netos que viñeron a España tamén a manteñen agora con Arxentina.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas