Preto de medio millón de persoas abandonaron España

(15/10/2012)

Preto de medio millón de persoas abandonaron España

Entre xaneiro de 2011 e setembro do 2012 emigraron de España 927.890 persoas, delas 117.523 era españois

Autor:

EFE

Data

Nos nove primeiros meses do ano fóronse de España 420.150 persoas, deles 365.238 eran estranxeiros e 54.912 españois, 37.539 persoas máis que no mesmo período do 2011, sobre todo pola emigración dos españois.

Os nacionais que saíron de España aumentaron un 21,6 por cento, pasando dos 45.161 que se foron entre xaneiro e setembro do 2011 aos 54.912 este ano, segundo as estimacións da poboación actual que hoxe publica o INE.

O saldo migratorio -a diferenza entre as persoas que entran e as que se van- foi de menos 137.628 persoas -delas 25.539 españois e 112.089 estranxeiros- e por primeira vez foi negativo respecto dos españois en todas as comunidades autónomas.

Este saldo pasou de ser positivo -é dicir entraban máis persoas das que saían- en 2009, que foi de 47.362 e en 2010, con 62.156, ata chegar ao 2011, que se rexistrou un saldo de -50.090 persoas.

Entre xaneiro do 2011 e setembro do 2012 emigraron de España 927.890 persoas, delas 117.523 eran españois. Segundo o INE, nos doce últimos meses, a poboación española reduciuse en 45.245 persoas.

A continuación, detállanse por comunidades autónomas os fluxos de emigración exterior -persoas que saíron de España- entre xaneiro e setembro e o saldo migratorio -a diferenza entre os que entran e vanse-, no mesmo período, con cifras totais e as de españois.