(25/09/2012)
A maioría das peticións de corrección formalizáronse desde o estranxeiro, 171 en total, que motivaron 107 altas que non se contemplaron entre a listaxe inicial
Un total de 278 reclamacións foron expostas á Oficina do Censo Electoral por persoas indebidamente incluídas nos censos de residentes ou de galegos no exterior. A maioría das peticións de corrección formalizáronse desde o estranxeiro, 171 en total, que motivaron 107 altas que non se contemplaron entre a listaxe inicial de electores residentes no exterior, así como 9 baixas e outras 53 variacións de consulado de referencia.
As 107 reclamacións expostas dentro da comunidade galega e a incidencia das remitidas desde o exterior xeraron outras 111 baixas e 65 altas máis no censo final.
O pasado venres concluíu o prazo para solicitar participar desde o estranxeiro nos comicios galegos, comezando hoxe as oficinas provinciais do censo o envío das papeletas e documentación, que poderán ser remitidas por correo ata o 16 de outubro ou entregadas nos consulados para depositar o voto en urna entre os días 17 e 19.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas