(08/08/2012)
O novo centro cultural Abu Baker poderá abrir as súas portas en canto solicite a licenza municipal
Aínda que aínda non hai data de apertura, todo está listo xa para que a mesquita de Arteixo se converta no novo centro cultural Abu Baker. Segundo fontes consultadas, tan só queda algún trámite administrativo, o de apertura de actividade, aínda que bastaría con que a comunidade musulmá o solicitase por rexistro no Concello de Arteixo para que o novo centro poida abrir as portas.
Os dirixentes do colectivo xa o anunciaron hai máis dun ano cando formalizaron a compra do inmoble en pleno centro de Arteixo: «Queremos facer as cousas ben». E niso estiveron entretidos durante todo este tempo, ao entregar toda a documentación necesaria. Tamén tiveron que solicitar permisos de obra maior para acondicionar o inmoble que o colectivo adquiriu en febreiro do 2011, despois de abandonar o anterior, situado no Alto de Arteixo, por carecer de licenza municipal para desenvolver a súa actividade.
A nova casa, duns 220 metros, entre a vivenda e o patio interior, conta con dous accesos, unha pola travesía de Arteixo e outro a través da leira. A vivenda necesitaba reformas para adecuala como centro cultural e de oración e, para iso, a comunidade tivo que solicitar ao Concello licencia de obra maior. Fuentes consultadas indicaron que as obras están finalizadas e que se habilitou unha sala de exposicións na planta baixa, ademais dunha zona de vestiarios.
Clases de idiomas
O novo inmoble pretende ser, ademais de centro relixioso, un centro cultural onde se impartirán clases de árabe para españois, ademais doutros idiomas, cursos de informática e diversos talleres. O colectivo tamén explicou, no momento en que se fixo o anuncio de que a mesquita se convertería en centro cultural, que na procura do local estiveron asesorados en todo momento e solicitaron información ao Concello de Arteixo para saber se o inmoble cumpría cos requisitos necesarios.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas