(03/08/2012)
España busca médicos, deportistas e mariños mercantes estranxeiros
Xoves, 02 de Agosto de 2012
O Catálogo de ocupacións de difícil cobertura é unha oportunidade para que profesionais estranxeiros poidan cubrir postos de traballo para os que non existen candidatos en España. Por exemplo, nas Illas Canarias necesítanse dentistas e médicos, mentres que en Melilla faltan pasteleiros. Os deportistas e mariños mercantes son requiridos en todo o país.
Aínda que a taxa de desemprego en España roza o 25%, e supera o 30% entre os traballadores inmigrantes, hai algunhas ocupacións que non se logran cubrir cos traballadores que hai no país. A crise económica notouse na brevidade dos actuais catálogos, que en anos de bonanza eran bastante máis extensos.
Estes postos forman parte do Catálogo de ocupacións de difícil cobertura para o terceiro trimestre de 2012. Trátase dunha listaxe que elabora o Ministerio de Emprego cunha bolsa de traballo que se oferta no estranxeiro e que permite tramitar a autorización inicial de residencia temporal e traballo por conta allea.
Deste xeito, as persoas estranxeiras que poden cubrir os devanditos postos de traballo teñen a posibilidade de permanecer e traballar legalmente en España. Iso si, o requisito é que o contrato debe asinarse no seu país orixe. www.redinmigrante.es
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas