(30/07/2012)
Para a asociación, estas cifras «recordan os fluxos rexistrados nos 60»
A Unión Profesional de Galicia, que representa a 45 entes colexiais, prevé que en 2012 abandonen Galicia uns 20.000 mozos de alta cualificación profesional.
A asociación informou este venres nun comunicado da incorporación de dous novos colexios, o de podólogos (Copoga) e o de decoradores e deseñadores de interior.
En canto á preocupación polo abandono de mozos da Comunidade, destaca que entre xaneiro e xullo xa o fixeron 10.000 persoas, que buscaron futuro profesional noutros países.
A Unión sinala que estas cifras «recordan os fluxos rexistrados nos 60» e, de continuar a este ritmo, «bateríase a marca de saída de profesionais galegos a outros países no último medio século».
Para a asociación, unha das claves para evitar esta situación é «adaptar a oferta educativa ás necesidades de empresas e profesionais».
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas