O número de afiliados estranxeiros crece por cuarto mes e suma 1.760.520

(20/07/2012)

O número de afiliados estranxeiros crece por cuarto mes e suma 1.760.520

A afiliación aumenta en 20.677 persoas, o 1,19%, respecto ao mes de maio

19 xullo 2012

En xuño, a afiliación de cidadáns estranxeiros creceu en 20.677, o que equivale a un 1,19% e supón o cuarto mes de crecemento consecutivo, que deixan atrás oito meses de descensos. Xuño, do mesmo xeito que maio, é un mes no que habitualmente se incrementa a afiliación de traballadores estranxeiros debido ás campañas agrícolas e á tempada turística.

A mellora da afiliación apréciase en case todos os Réximes excepto no do Fogar, que se extinguiu o pasado 30 de xuño, data a partir da cal os traballadores domésticos encádranse no Sistema Especial do Réxime Xeral, e no Réxime Especial do Carbón, que cae un 7,73%. Destaca o aumento do Réxime Especial Autónomos, que avanza un 1,03% e o do Mar, que o fai nun 0,57%. O Réxime Xeral sobe un 3,06%.

En termos anuais, a afiliación de persoas de procedencia estranxeira continúa en negativo e moi por encima da do total de empregados. A variación anual entre o colectivo rexistrou un descenso do -4,88%, fronte ao -3,18% do conxunto do Sistema. Ambos os indicadores revelan que se mantén a tendencia xa apuntada nos meses anteriores, no sentido de que a perda de emprego está afectando con maior intensidade aos traballadores estranxeiros que aos nacionais.

O balance xeral de xuño reflexa que do total de estranxeiros afiliados (1.760.520), seis de cada dez, é dicir, 1.093.041 procedían de países non comunitarios. O resto, 667.479 persoas, de países membros da UE.

Por réximes, a maioría dos afiliados estranxeiros está encadrada no Réxime Xeral: 1.463.921 traballadores (incluídos os Sistemas Especiais Agrario e de Empregados de Fogar). Séguenlle o de Autónomos, con 217.264 persoas, e o Réxime Especial de Empregados de Fogar (extinguido desde o 30 de xuño), con 73.816 ocupados. Para rematar, sitúanse o Réxime Especial do Mar e ao Réxime Especial do Carbón, con 4.967 e 552 ocupados, respectivamente.

Os datos de afiliados por comunidades autónomas distribúense así: