A emigración en Galicia ata xuño xa case iguala a rexistrada en todo 2010

(18/07/2012)

A emigración en Galicia ata xuño xa case iguala a rexistrada en todo 2010

No primeiro semestre de 2012 deixaron a comunidade galega máis de 9.000 persoas para irse ao estranxeiro . Máis de 3.500 eran españois e o resto, inmigrantes que volven ao seu país

laopinióncoruña.es /Mércores 18 de xullo de 2012

X. A. TABOADA| SANTIAGO A persistencia da crise, agravada con esta segunda recesión, provocou que o fenómeno da emigración se dispare para buscar noutros países a fortuna e o emprego que escasea en España. Durante o primeiro semestre do ano emigraron de Galicia 9.117 persoas, case tantas como en todo 2010 e o 68% das que deixaron a comunidade o pasado ano. Delas, 3.559 eran de nacionalidade española e o resto, 5.557, inmigrantes que decidiron regresar aos seus países ou probar sorte noutros. No conxunto do Estado, entre xaneiro e xuño emigraron 40.625 españois, o que supón un incremento do 44% con respecto ao mesmo período do pasado ano.

Os datos divulgados onte polo Instituto Nacional de Estatísticas (INE) revelan como a crise económica condiciona claramente a evolución demográfica. Especialmente en Galicia, xa que hai moitas máis defuncións que nacementos e o padrón só aumenta pola chegada de inmigrantes. Pero esta tendencia parece que tocou fin, porque no que levamos de ano marchouse de Galicia máis xente ao estranxeiro que a que chegou. É a primeira vez que sucede en moitos anos. O saldo migratorio (a diferenza entre emigrantes e inmigrantes) é negativo, de -3.859 persoas. E iso que só transcorreu o primeiro semestre do ano.

En total abandonaron a comunidade galega no que vai de ano 9.117 persoas, mentres que só chegaron procedentes do estranxeiro 5.258, pouco máis dun terzo das que viñeron o pasado ano. Patronal e sindicatos coinciden co diagnóstico. A emigración hase incremento ante as cifras do paro e as poucas expectativas de que se poida xerar emprego a curto e medio prazo.

As cifras do INE, baseadas en estimacións, indican que 5.557 destes emigrantes eran estranxeiros e que 3.559 eran de nacionalidade española, pero non precisan destes últimos cantos o son por nacemento e cantos por obter a nacionalidade española por algún dos procedementos habilitados. Por tanto, é de supor que unha boa parte dos que se deixaron Galicia no primeiro semestre son nacionalizados.

Por provincias, a maior emigración rexistrouse en Pontevedra. Marcharon 3.882 persoas e chegaron 1.579. O saldo migratorio é de -2.303. No resto foi bastante menor: -750 na Coruña, -609 en Ourense e -197 en Lugo.

A dinámica no conxunto de España foi similar. Emigraron case 270.000 persoas, delas 40.625 de nacionalidade española, e chegaron 195.539, o que significa que hai un desfasamento de case -74.000 persoas, o que agudiza a tendencia de 2011. España, do mesmo xeito que Galicia, volve ser un país de emigrantes.

Galicia perdeu 11.508 persoas nun ano, co que a súa poboación a 1 de xullo sitúase en 2.720.467, das que case un terzo son maiores de 60 anos. Hai xusto un ano, o número de habitantes na comunidade era de 2.731.975 persoas, que baixou xa ata as 2.728.903 a 1 de xaneiro de 2012. O descenso da poboación galega nun ano foi de catro décimas e a tendencia achegada polo INE é que seguirá baixando nos próximos meses, dado que á bajísima taxa de natalidade únese agora o incremento da emigración. E todo iso nun escenario de envellecemento progresivo e continuo. As persoas maiores de 60 anos representan xa o 28,6% da poboación, máis que o total de menores de 24 anos (20,5%).

Así, 778.384 persoas teñen 60 ou máis anos e ata 558.963 son de entre 0 e 24 anos. Os grupos de poboación entre 25 e 59 anos acaparan un 50,84% da poboación de Galicia, con 1.383.119 persoas. O INE calcula ademais que hai 889 galegos centenarios.

En España, a poboación creceu en 37.962 persoas (un 0,08%), ata 46.163.116,