(06/07/2012)
"Nunca pensei que puidesen ter problemas en Suíza" ENTREVISTA LUCÍA TENREIRO | Actualizado 06 Xullo 2012 - El Ideal Gallego O Goberno da Cidade Autónoma de Bos Aires acaba de aprobar a cesión dun terreo de oito mil metros cadrados próximo ao centro da capital ao Centro Betanzos, decana dos colectivos galegos en América. Foi moi duro o de 2001...
O "predio", que compartirán con Xeito Novo, asegúralles un espazo onde celebrar actos para miles de persoas e un medio de financiamento alternativo, xa que a entidade ten previsto acondicionar unha zona de aparcadoiro, que explotarán, e unha "cancha de fútbol", que alugarán aos equipos doutros clubs de Bos Aires. "Pero nunca a outras asociacións da colectividade", insiste Lago, á fronte do equipo directivo dende 1997.
Como está Arxentina?
A situación económica mellorou, pero a inseguridade segue sendo un dos maiores problemas de Bos Aires.
Perciben a difícil situación de crise que atravesa Europa?
Vin para participar no Congreso dás Comunidades Gelegas, que tivo lugar en Santiago e, aínda que había entidades de todo o mundo, me sorprendeu a situación que vive a colectividade en toda Europa... Nunca pensei que puidesen ter problemas, por exemplo, en Suíza...
Cre que podemos chegar a vivir un "corralito" en España?
Vin cousas que nunca imaxinei que puidesen chegar a suceder en España, e algunhas recórdanme ao que pasou alá en 2001. Pero non creo que se dun "corralito" porque este é un país máis serio que Arxentina.
Algunha xente, que debía operarse inmediatamente por motivos de saúde, faleceu porque o banco non lle daba o seu diñeiro... Ao Centro Betanzos non lle afectou directamente porque non tiñamos prata gardada, tan só dispoñiamos dos ingresos correntes polo aluguer das instalacións, que son propiedade do Concello de Betanzos, e do que percibiamos da Xunta, depositado na delegación de Caixa Galicia, e a iso non puideron tocalo...
O financiamento dalgunhas medicinas séguea asumindo o Concello de Betanzos?
Non pechamos o convenio deste ano, pero trasladeilles que estamos dispostos a renunciar porque alá, neste momento, a situación cambiou, e xa non hai que pagar a maioría dos medicamentos como cando o "corralito", así que entendemos que non é imprescindible, como si o foi no seu día, e así llo fixen chegar ao alcalde.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas