Cinco respostas básicas sobre os novos requisitos para a Carta de Convite

(29/06/2012)

Venres, 29 de Xuño de 2012

Carta de Invitación O Ministerio do Interior, a través da Comisaría Xeral de Estranxeiría, flexibilizou os requisitos para solicitar a carta de convite. A continuación, encontrarás a resposta a cinco preguntas básicas sobre a nova normativa.

--------------------------------------------------------------------------------

Le tamén... Novos requisitos para a carta de convite, punto por punto

--------------------------------------------------------------------------------

1. Por que hai que tramitar a Carta de Convite? Porque así o esixe a normativa de entrada de estranxeiros en España que realicen viaxes de tipo turístico ou de carácter privado.

2. É o único que necesito para entrar a España? A presentación da carta de convite pode ser esixida polos funcionarios responsables do control de entrada, no posto fronteirizo. Pero isto non supón que non se teña que cumprir co resto de requisitos, como o visado no caso de que este se requira, as garantías de retorno ao país de orixe ou os recursos económicos que esixe a normativa española. Le aquí todo sobre os requisitos de entrada en España para estanzas menores a 90 días.

3. A quen afecta? Aplícase aos estranxeiros nacionais de países que non forman parte da Unión Europea e aos que non se lles aplica o réxime comunitario de estranxeiría.

4. Onde se tramita a Carta de Convite? A persoa que invita e que reside en España debe acudir á Comisaría de Policía do seu lugar de residencia para xestionar a solicitude.

5. Por que se cambiou a normativa? Polas presións de países como Brasil e México, que manifestaron ás autoridades españolas o seu malestar polas numerosas inadmisións que se rexistraran nos aeroportos de Barajas (Madrid) e El Prat (Barcelona) dos seus cidadáns. O Goberno brasileiro, de feito, chegou a aplicar a mesma normativa a cidadáns españois, sobre a base do criterio de reciprocidade, polo que os numerosos turistas de España que chegaron a ese país tamén foron inadmitidos. Houbo un caso emblemático, o do pintor Menelaw Sete, que estivo retido 30 horas na sala de non admitidos en Barajas cando o seu destino final era a cidade italiana de Milán.

Novas e Actualidade

Titulares
Histórico

Usuario:
Contrasinal: