Xa se poden consultar no portal GaliciaAberta https://emigracion.xunta.es os relatorios de “Políticas Socio-asistenciais”, “Cultura” e “A Galicia exterior no século XXI” do X Pleno do Consello de Comunidades Galegas que se celebrará en Santiago de Compostela os vindeiros 28 e 29 de xuño. O relatorio “Galeguidade. Desenvolvemento normativo” será publicado nesta mesma páxina web o vindeiro luns, 11 de xuño. O prazo para a recepción de comunicacións aos distintos relatorios remata o mércores 20 de xuño.
Asemade, a Secretaría Xeral da Emigración informa que a día de hoxe, venres 8 de xuño, rematou o prazo para a recepción de credenciais para o Pleno do Consello.