• Reflexiona sobre a diferente acollida que se lles brinda ás persoas que volven a Galicia dependendo de se tiveron éxito ou non.

Os e as emigrantes que volven a Galicia tras un tempo fóra non sempre regresan envolvidos en ouro. Máis veces das que parece a súa estanza no estranxeiro, malia representar unha melloría nas súas condicións de vida, non lles serve para enriquecerse, senón para subsistir, para ir tirando. Así chega un momento en que estas persoas se ven, en certo xeito, obrigado a volver, a retornar, pero coas mans baleiras.

Sobre o apaixonante tema das e dos emigrantes galegos Serafín Portugal é un experto. Precisamente el emigrou a Venezuela e alí residiu durante máis de 40 anos, como tantos miles de galegos e galegas que ao longo do século XX fixeron a maleta en busca dun presente e dun futuro mellor. Como coñecedor de primeira man do mundo da emigración, o profesor Portugal presentou este luns, ás 20.00 horas no hotel Araguaney de Santiago de Compostela, o seu terceiro libro sobre o tema. Despois de Vivencias de un gallego en Venezuela e Gallegos emigrantes emprendedores en el mundo, este licenciado en Ciencias Sociais en Caracas publica Reflexiones sobre emigrantes retornados.