(01/06/2012)
Os expertos chaman os colexios a converterse en motor de integración
Luján PALACIOS/Venres 1 de Xuño
Marta Comas. marcos león
Nunha sociedade con cada vez máis presencia de inmigrantes, os centros educativos deben ser o motor da integración e a diversidade. Así apuntouno onte Marta Comas, colaboradora da Fundación Jaume Bofill e membro da Colección Conciutadanía Intercultural de Cataluña, que participou onte como relatora na xornada «Diversidade e éxito escolar», organizada polo observatorio da inmigración en Asturias.
Comas falou da «escola comprensiva» como clave para que «a educación actúe como un ascensor social». Para iso, chamou á «flexibilización das infraestruturas» ou, o que é o mesmo, que os docentes «cambien o modo de ensinar». Neste sentido, indicou que o gran reto en educación é o de «aprender a aprender e aprender a vivir xuntos», para que a escola poida xerar «un oasis de solidariedade e convivencia».
Marta Comas sinalou que en Cataluña os alumnos inmigrantes se concentran de forma masiva nos centros públicos e por iso advertiu da necesidade de establecer un acceso plural aos colexios. Ademais, insistiu en que a liberdade de elección de centro pola que tanto claman as familias «é contraria á equidade». Tamén apuntou solucións para evitar a segregación, como «a reserva de prazas para inmigrantes na escola pública e na concertada, ou a fusión de centros». Por último, chamou a poñer en práctica unha «pedagoxía da diversidade», cunha actitude de acollida e un recoñecemento da diversidade nas aulas.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas