(25/05/2012)
Chineses e romaneses suman case o 30% dos autónomos estranxeiros
Venres, 25 de Maio de 2012 10:44
O autoemprego seguiu sendo unha aposta interesante para certos colectivos de inmigrantes durante o primeiro trimestre. Os chineses achegaron case sete de cada dez novas altas no Réxime Especial de Traballadores Autónomos (RETA). En conxunto, os traballadores por conta propia chineses, cun 17,7%, e os romaneses, cun 11,2%, sumaron case un terzo do total de autónomos estranxeiros.
Segundo un informe da organización de autónomos ATA, entre xaneiro e marzo alcanzouse a cifra de 37.084 autónomos chineses, un 1,5% máis que en decembro, sendo o grupo de estranxeiros máis activo no autoemprego. Os romaneses alcanzaron a cifra de 23.380 traballadores por conta propia no mesmo período. A marroquí tamén experimentou un incrmento do 1,1% de afiliados no RETA.
O resto das nacionalidades maioritarias ou rexistraron moi poucos afiliados (como Alemaña e Italia) ou pecharon o trimestre con menos cotizantes, especialmente Arxentina, que perdeu 453 afiliados (-7,9%).
Os datos mostran que os estranxeiros residentes en España están a amortecer en parte a perda de autónomos españois. De feito, no conxunto do RETA perdéronse entre xaneiro e marzo un total de 20.871 afiliados, en contraste cos 792 autónomos estranxeiros que decidiron darse de alta neste período, un 0,4% máis.
Asturias (+1,3%), Baleares (+1,2%) e Cataluña (+1,1%), ademais das cidades autónomas de Ceuta (+5,2%) e Melilla (+2,2%), foron as comunidades que lideraron o crecemento relativo de autónomos estranxeiros durante o primeiro trimestre do ano. www.redinmigrante.es
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas