(25/05/2012)
As inmigrantes parturientes están sometidas a un alto nivel de estrés
Xoves, 24 de Maio de 2012
As mulleres inmigrantes que dan a luz en España están sometidas unha enorme presión e estrés, segundo unha investigación da Universidade de Granada (UGR), que sinala como causas as circunstancias persoais, o estrés propio do puerperio e a confluencia de factores biolóxicos, psicolóxicos e sociais.
Estar en situación irregular, o medo a que tras dar a luz as poidan expulsar do país, a angustia das mulleres musulmáns ao solicitar unha dieta distinta durante o ingreso hospitalario, o deconocimento do idioma ou sentir un trato diferente por levar o pano na cabeza son algunhas das causas do estrés que padecen.
A investigación realizada no Departamento de Enfermaría da UGR recomenda que as parturientes estranxeiras reciban un seguimento posterior ao parto para detectar e solucionar os trastornos psicolóxicos que poden padecer polo estrés que padecen, como obsesión-compulsión, ansiedade fóbica, depresión ou psicoticismo.
O estudo tamén constata que a asistencia aos cursos de preparación do parto é maior nas embarazadas españolas que nas inmigrantes. As causas probables disto é que o seu horario e o idioma non están adaptados para que poidan asistir. Tamén se incorporan aos programas de seguimento do embarazo máis tarde que as autóctonas (ás 12 semanas de embarazo fronte ás 6 ou 7 semanas de media das españolas).
Os resultados da investigación, realizada por Francisca Pérez Ramírez e dirixida por Inmaculada García García e Isabel Peralta Ramírez, publicaranse nas revistas 'Journal of Transcultural Nursing', 'Revista Latino-Americana de Enfermagem' e 'Anais de Psicoloxía'.
A investigadora destaca como conclusión do seu estudo a necedidad de comprender os factores culturais que interfiren nas experiencias vividas polas mulleres inmigrantes embarazadas, e incluír no seu coidado o respecto á diversidade de crenzas e valores. www.redinmigrante.es
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas