España remitiu dúas notas verbais á Embaixada norueguesa en Madrid e unha comunicación ao Ministerio de Emprego e Seguridade Social expondo «a posibilidade de pactar un convenio bilateral que proporcione maior seguridade xurídica aos interesados». Noruega négase alegando que, conforme á súa lexislación, os estranxeiros que traballaban en buques nórdicos «non tiñan a condición de residentes» e non cotizaban á súa Seguridade Social, aínda que estaban obrigados ao pagamento dun imposto por renda. Cid sinalou que España insistirá para achar «unha solución xusta».