Este achegue regular de man de obra estranxeira debería asociarse a reformas destinadas a prolongar a duración da vida activa e facilitar o labor profesional ás persoas con fillos a cargo, agrega o Bundesbank.

Alemaña previu atrasar a idade de xubilación aos 67 anos, pero tamén quere atraer traballadores cualificados como enxeñeiros, informáticos ou enfermeiras.

O país recibiu o ano pasado 177.300 inmigrantes, na súa maioría procedentes de Europa central e oriental, o que supón unha subida do 2,6% con relación ao 2010, a maior en 15 anos. O país conta con 10,6 millóns de inmigrantes, dunha poboación total de 81,7 millóns en 2010, segundo o instituto federal de estatísticas Destatis.

As previsións demográficas estiman que a porcentaxe de persoas con 65 ou máis anos pasará do 20% actual ao 34% en 2060. O aumento da inmigración será necesario non só para compensar o declive demográfico, segundo o Bundesbank, senón para manter o crecemento da produción económica e da produtividade, os investimentos a alto nivel e o progreso técnico.