A iniciativa foi promovida pola socialista Marisol Soneira, e pactada cos demais grupos, co fin de demandarlle ao Goberno galego que, a pesar dos recortes do gasto público, poida manter abertas as vías de diálogo cos representantes da diáspora para axudar a esta institución a sortear os seus «graves» problemas de financiamento.

O pleno tamén aprobou onte, só cos votos do PP, unha iniciativa dirixida a esixirlle ao Concello de Vigo que cumpra cun convenio do 2006 sobre a urbanización da contorna do novo hospital de Vigo.