En tempos nos que a situación do país americano é próspera e España vive momentos de crises, o retorno é unha realidade. «Agora moitos regresan ao Uruguai. O país pasa por un período de bonanza económica e lamentablemente non é así en España. Preocúpanos a situación. Son como ciclos. No 2002 a crise tocou Uruguai moitísimo e toda América do sur e España estaba nun momento florecente. Agora é ao revés».
A visita de Marta Botarche ía máis aló do puramente institucional. Algúns veciños de Avión con temas pendentes en Uruguai tiveron onte a oportunidade de conversar coa cónsul americana e resolver así parte das súas dúbidas.