Maceiras recolleu dous galardóns, un para o Concello e outro persoal, pola súa vinculación co Centro Galego de Barcelona. Non en balde, esta entidade e A Pobra manteñen unha estreita relación que se traduce na celebración de intercambios culturais.
Ademais do concello e alcalde pobrenses, nos actos celebrados durante o fin de semana tamén se fixo entrega de distintos recoñecementos á cantante María do Ceo ou ao cura de Quiroga, que se encarga de 8 parroquias do municipio. Ademais, concedeuse a medalla de ouro e brillantes da entidade ao presidente da Generalitat, Artur Mas, un obsequio que recolleu a número dous do goberno catalán.
Por outra banda, e aproveitando a súa estancia en Barcelona, Isaac Maceiras percorreu o salón Alimentaria e visitou a caseta da Xunta. Así mesmo, adiantou que hoxe ten previsto visitar ás firmas barbancesas que están na feira.