A situación do hospital do Centro Galego de Bos Aires complícase

A situación do hospital do Centro Galego de Bos Aires complícase

Os profesionais da entidade volveron a manifestarse

E.E. 16 de marzo de 2012,

O pasado xoves 15 de marzo socios e profesionais do Centro Galego de Bos Aires volveron manifestarse ante a sede da entidade para reclamar unha solución á crise que padece o hospital. Os profesionais esixen que se lles paguen os soldos atrasados, tal e como se dicía no acordo ao que chegaron coa directiva fai unhas semanas e segundo o cal as mensualidades que se lles deben ingresaríanselles o día 6 de marzo, algo que non ocorreu.

Ademais, o venres 16 de marzo tivo lugar unha asemblea para analizar a situación e tomar as medidas oportunas. Por outra banda, os profesionais tamén se queixan de que os principais directivos do Centro Galego e do hospital, o presidente Carlos Vello e os doutores Malach e Santos, abandonaron os seus postos nestes momentos tan graves.