(09/03/2012)
Cosidó: non permitirei que o control de inmigrantes teña obxectivos numéricos
(Madrid)08-03-2012 / EFE
O director xeral da Policía, Ignacio Cosidó, dixo hoxe que "non vai permitir" que as detencións de inmigrantes ilegais se marquen mediante obxectivos "cuantitativos", para alcanzar unha cota determinada.
Cosidó, que hoxe se reuniu en Toledo co delegado do Goberno na rexión, Jesús Labrador, respondeu así ao ser preguntado pola denuncia pública feita polo Sindicato Unificado de Policía (SUP) de que os axentes estarían recibindo "presións" dos mandos para cumprir unha cota mensual de controis de inmigrantes.
Segundo o director xeral da Policía, os datos de 2012 indican que hai unha "diminución" de estranxeiros detidos en aplicación da Lei de Estranxeiría.
Ademais, precisou Cosidó, a indicación que desde a dirección xeral estase dando ás unidades é que "en ningún caso son aceptables marcar obxectivos cuantitativos de detencións de estranxeiros".
"O labor do Corpo Nacional de Policía é de control lóxico da inmigración ilegal, pero, en ningún caso pode levar a marcar obxectivos cuantitativos no número de detidos e, polo tanto, é unha práctica que como director xeneral non vou permitir".
Sobre o dito onte sobre o aborto polo ministro de Xustiza, Alberto Ruiz-Gallardón, sobre a "violencia estrutural" que se xera en moitas ocasións contra a muller "polo mero feito do embarazo", o director xeral afirmou que non ten nada que engadir.
No entanto, aproveitou a conmemoración hoxe o Día Internacional da Muller Traballadora para destacar o labor que as axentes levan a cabo no Corpo Nacional da Policía.
Sobre a morte nos calabozos da comisaría de Valladolid dun detido, Cosidó indicou que existe un "protocolo moi estrito" cando se produce un falecemento nunha dependencia policial e aínda non ten máis información.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas