(07/03/2012)
O deputado coruñés González Ruano interésase pola axuda da UE a Arxentina, onde residen máis de 100.000 galegos
Nunha reunión co comisario europeo de Desenvolvemento
E.E. 06 de marzo de 2012
O deputado pola Coruña e portavoz adxunto do Grupo Popular na Comisión de Cooperación Internacional para o Desenvolvemento, Juan de Deus Ruano, interesouse o pasado sábado 3 de marzo nunha sesión de traballo celebrada no Congreso dos Deputados polo novo marco de colaboración entre a Unión Europea e Arxentina.
No encontro participaron os integrantes da Comisión de Cooperación Internacional e o comisario europeo de Desenvolvemento, Andris Piebalgs -de visita en España-.
O deputado coruñés preguntou polos novos instrumentos de colaboración europea con Arxentina onde, como recordou Ruano, "residen máis de 100.000 galegos, e por iso Arxentina é especialmente recoñecida con agarimo en Galicia como a quinta provincia galega". Ruano mostrou a súa preocupación ante Piebalgs por que a axuda económica a Arxentina puidese verse minguada ante a relativa bonanza económica do país.
A este respecto, o parlamentario popular desvelou que o dirixente comunitario expuxo "un cambio de obxectivos nos programas europeos para Arxentina", que favorecerán os intercambios científicos e de estudantes entre Arxentina e a UE.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas