(20/02/2012)
Jorge Ledo licenciouse en Filoloxía Hispánica pola Universidade da Coruña, fixo un posgrao en Barcelona, se doctoró en Aberdeen, deu clases en Míchigan e agora exerce en Basilea. Con este currículo é inevitable mencionar a emigración de investigadores. «É un feito, como o é a mitoloxía que a presenta como opción certa e prorrogable para todos, e iso non se axusta á verdade», matiza Ledo. «O risco de que dúas xeracións queden atrapadas sen poder desenvolver a súa carreira académica nin en España nin no estranxeiro, xa que o recorte en investigación é global, preocúpame moito. Paréceme tamén importante diferenciar entre formación internacional e turismo académico. Nas nosas universidades, só as estancias breves e de media duración en centros estranxeiros que non corten o cordón umbilical do investigador permiten o ?retorno?. Quen cremos, e cremos, que a clave para falar dunha formación sólida e ofrecer un valor engadido á institución que nos contrate pasa por adquirir solvencia en varias disciplinas, por asimilar metodoloxías de traballo diversas e por coñecer a fondo distintas realidades educativas, sabemos que non hai volta atrás, e non precisamente pola nosa vontade», engade.
Precisamente o mentor de Ledo en Aberdeen foi outro galego, o vigués Alberto Moreiras, profesor en Texas, a quen cualifica tamén de «enorme intelectual, mestre e amigo», e que foi determinante na orientación das actuais liñas de traballo de Ledo.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas