Marina del Corral, nomeada nova secretaria Xeral de Inmigración e Emigración en España

(16/01/2012)

Marina del Corral, nomeada nova secretaria Xeral de Inmigración e Emigración en España

14 xaneiro, 2012 @ 21:58 Autor: legalcity

O Goberno español, por proposta da ministra de Emprego e Seguridade Social, Fátima Báñez, aprobou diversos nomeamentos nos ámbitos da Inmigración e Emigración, Seguridade Social e Emprego.

No primeiro, nomeouse a Marina del Corral secretaria Xeral de Inmigración e Emigración. En Seguridade Social, designáronse os responsables do Instituto Nacional da Seguridade Social (INSS), María Eugenia Martín Mendizábal, e de Ordenación, Rafael Antonio Barberá de la Torre. Finalmente, nomeouse a María de los Reyes Zatarain del Valle, directora xeral do Servizo Público de Emprego Estatal e a Pablo Hernández-Lahoz Ortiz, secretario Xeral Técnico do Departamento.

Marina del Corral (1964) é licenciada en Dereito pola Universidade de Granada. Comezou a súa andaina profesional como responsable xurídico da Organización no CIPIE, cuxo labor básico é a integración da poboación latinoamericana en España. Traballou como avogada asociada no despacho Cuatrecasas, nas oficinas de Bruxelas e Barcelona, e durante anos levou a Dirección dos Servizos Xurídicos en España da multinacional farmaceútica Sanofi-Aventis.

A Dirección Xeral do Instituto Nacional de Seguridade Social (INSS) estará ao cargo de María Eugenia Martín Mendizábal, quen xa ocupou este cargo entre 1997 e 2000. Martín Mendizábal (1959) é licenciada en Dereito e funcionaria do Corpo Técnico da Administración da Seguridade Social, grupo A. Na actualidade era directora Xeral do Instituto Madrileño do Menor e a Familia na Comunidade de Madrid. Anteriormente foi directora xeral do Servizo Rexional de Emprego da mesma Comunidade, deputada do Partido Popular por Álava no Congreso dos Deputados, secretaria primeira da Mesa do Senado, onde fora elixida tamén por Álava, gobernadora civil e subdirectora de Invalidez na Dirección Provincial do INSS na mesma provincia.

Rafael Antonio Barberá de la Torre (1963) é o novo director Xeral de Ordenación da Seguridade Social. Licenciado e doutor en Ciencias Económicas pola Universidade Complutense de Madrid, é máster en Economía pola Universidade de Southampton (Reino Unido), MBA en Dirección de Empresas Financeiras polo Instituto de Estudos Financeiros e de Seguros, profesor titular de Universidade e director do Departamento de economía Aplicada da Universidade Rei Juan Carlos. Foi responsable do Departamento de Caución en Fianzas e Crédito, Cia. De Seguros e Reaseguros, S.A., asesor da área económica do Grupo Parlamentario Popular no Congreso e asesor na Secretaría de Estado de Economía.

A Directora Xeral do Servizo Público de Emprego Estatal, María de los Reyes Zatarain del Valle (1965) é Licenciada en Dereito pola Universidade Complutense de Madrid. Pertence ao Corpo Superior de Letrados da Administración da Seguridade Social dende 1990. Dende esa data exerceu de Letrado en varias Direccións Provinciais, desempeñou o posto de Directora Xeral de Organización Administrativa no Ministerio de Administracións Públicas, de Secretaria Xeral da Tesouraría Xeral da Seguridade Social, asesora no Gabinete do Ministro de Traballo e Asuntos Sociais e vogal do Consello de Administración de Sistemas Técnicos de Lotarías do Estado STL e do Consello de Administración de RED.es.

Á fronte da Secretaría Xeral Técnica do Ministerio estará Pablo Hernández-Lahoz Ortíz (1977), licenciado en Dereito pola Universidade Pontificia de Comiñas (Icade), avogado do Estado, máster oficial de Intervención da Administración na Sociedade pola UNED. Como avogado do Estado desempeñou a súa tarefa, entre outras entidades, no Servizo Xurídico do Estado de Barcelona, nos Ministerios de Traballo e Inmigración, Educación, Política Social e Deporte e Sanidade, Política Social e Igualdade. É autor tamén de diversas publicacións.