(09/01/2012)
Cales son as medidas de protección para as vítimas de trata que denuncien?
Luns, 09 de Xaneiro de 2012
Case o 90% das mulleres que son vítimas de trata rexeitaron acollerse aos beneficios que contempla o artigo 59 bis da Lei de Estranxeiría, cuxa reforma entrou en vigor o 29 de xullo de 2011. O obxectivo deste artigo é fomentar a colaboración das mulleres que foron vítimas de trata de seres humanos, para que denuncien os seus explotadores. As causas son o descoñecemento destes dereitos e o medo ás represalias que poden adoptar os seus explotadores non só contra elas, senón tamén cos seus fillos e familiares.
Entre as vantaxes que contén a devandita norma están:
. As vítimas poden acollerse a un período mínimo de 30 días de reflexión para decidir se colabora coa policía. Durante este período, os axentes velarán pola súa seguridade e protección.
. Ofrécese protección non só aos seus fillos, senón tamén a outros familiares e persoas que do seu ámbito que poidan verse afectados pola súa denuncia.
. A norma obriga a non incoar un expediente de expulsión para aquelas vítimas que denuncien e que residan irregularmente en España.
. Atención! Cabe a posibilidade de que a delegación do Goberno rexeite que a denunciante se acolla aos beneficios do artigo 59 bis. Pero isto só acontece cando os indicios ou a credibilidade da denunciante non a sinalen como vítima deste delito. Esta decisión baséase nun informe realizado polas forzas de seguridade sobre o declarado pola denunciante e as probas, entre outros factores. www.redinmigrante.es
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas