Francisco Ruiz e Miriam Ferreiro, representantes dos españois en Suíza

(28/12/2011)

Francisco Ruiz e Miriam Ferreiro, representantes dos españois en Suíza

E.S. - Suíza - 27-12-2011

Os catorce membros dos Consellos de Residentes Españois de Xenebra e Zúric elixiron nas últimas xornadas a Francisco Ruiz e Miriam Ferreiro como os representantes dos españois de Suíza no órgano consultivo do Goberno durante os próximos catro anos. Mentres, o presidente en funcións do órgano consultivo, Francisco Ruiz, volverá ser conselleiro por Suíza, Miriam Ferreiro entra no Consello Xeral por primeira vez, en substitución do conselleiro saínte José Antonio Franco Soto, que non se presentou como candidato.


Un momento da reunión constitutiva do CRE. (FOTO: Espanoles.ch).

Aos dous conselleiros titulares súmanse dous suplentes, tamén designados na mesma reunión celebrada en Berna. José Vicente Fernández Bocelo, membro do CRE Xenebra que foi conselleiro durante o pasado mandato, así como Juan José Sánchez Requejo, membro do CRE Zúric residente no cantón de fala italiana, o Ticino.

Os dous novos conselleiros terán un mandato de catro anos no órgano consultivo do Ministerio de Traballo do Goberno de España. Actualmente a delegación suíza está composta polo presidente do Consello Xeral, Francisco Ruiz Vázquez (tamén presidente do CRE Xenebra), e os conselleiros José Antonio Franco Soto e José Vicente Fernández Bocelo.