(23/12/2011)
Asociacións de inmigrantes móstranse "preocupadas" pola eliminación da Secretaría de Estado de Inmigración
MADRID, 22 Dic. (EUROPA PRESS) -
A asociación hispano-ecuatoriana Rumiñahui e a Asociación Solidaria para a Integración Sociolaboral do Inmigrante (ASISI) valoraron negativamente a eliminación da Secretaría de Estado de Inmigración e mostráronse preocupados polo futuro das políticas relacionadas coa materia.
Así, en declaracións a Europa Press o presidente de Rumiñahui, Vladimir Paspuel, mostrouse "preocupado pola supresión" da Secretaría porque considera que se deben seguir traballando nos procesos de cohesión e integración".
Nese sentido, explicou que a pesar de que xuridicamente "moitos que chegaron como inmigrantes teñen a nacionalidade española, a sociedade ségueos mirando como estranxeiros". Por iso, Paspuel solicitou reunirse coa ministra Fátima Bañez a través do foro estatal das migracións para solicitar o mantemento da Secretaría de Estado e, desta forma, seguir traballando na cohesión para "evitar problemas relacionados coa inmigración no futuro como xurdiron noutros países".
Pola súa banda, o presidente de Asisi, Hassan Arabi, afirmou que a eliminación da Secretaría de Estado é "unha noticia negativa" porque a falta dun órgano con rango de ministerio pode afectar á efectividade das medidas relacionadas con inmigración e poden "verse prexudicados".
Arabi explicou que a supresión pode significar unha menor partida económica para as políticas de inmigración e que iso "pode afectar ás subvencións --que serían menores-- e ao emprego xerado coas mesmas", que descendería.
Neste sentido, espera "que se manteñan os programas de inmigración" co Goberno ou o ministerio que se faga cargo da política de inmigración e que non se reduza a partida económica asiganda ás políticas da materia.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas