(21/12/2011)
Uruguai rende homenaxe ao emprendedor galego
O acto celébrase no marco do bicentenario do Proceso de emancipación oriental.
A Homenaxe ao emprendedor galego en Uruguai foi un dos últimos eventos do ano dentro da programación da Asociación de Empresarios Galegos de Uruguai (AEGU). O acto intégrase dentro das actividades que forman parte da celebración do bicentenario do Proceso de emancipación oriental, que se conmemora durante este ano.
O coloquio tivo lugar na sala Vale-Inclán do Centro Galego de Montevideo e estivo centrado na análise da contribución da comunidade galega no tecido empresarial do país. A charla contou coa presenza do profesor Carlos Zubillaga, escritor, historiador e director do Centro de Estudos Galegos (CEGAL), que destacou a importancia do traballo dos galegos e a súa contribución ao desenvolvemento do país. Tamén estiveron no evento o delegado da Xunta na capital, Manuel Barros; o xefe da oficina laboral, Carlos Cortón; e o presidente do Centro Galego, Jorge Torres Cantalapiedra, entre outras autoridades presentes.
O acto concluíu coa experiencia de dous recoñecidos empresarios con raíces galegas que contaron como foron os seus inicios no país e a súa traxectoria profesional ao longo dos anos.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas