(02/12/2011)
Os estranxeiros que perciben a prestación por desemprego caen un 15%
Venres, 02 de Decembro de 2011
As prestacións por desemprego beneficiaron no mes de outubro a 358.405 estranxeiros, un 15 % menos que os rexistrados en outubro de 2010. A caída é maior entre os extracomunitarios (-17,7%) que entre os procedentes da Unión Europea (-8,2%). En total, os beneficiarios estranxeiros supón o 12,84% de quen perciben prestacións por desemprego.
Segundo o Ministerio de Traballo e Inmigración, o gasto en prestacións dos estranxeiros, que supón o 10,3% do total, baixou nun 12,3% ata os 253,1 millóns de euros.
Ademais, os estranxeiros que perciben unha prestación por desemprego representan o 58,2 % do total de demandantes de emprego estranxeiros.
O gasto en prestacións por desemprego alcanzou en outubro os 2.461,4 millóns de euros, un 4,4% menos que fai un ano, mentres que a taxa de cobertura do sistema caeu ao 67,7%, cun descenso interanual do 10,1%.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas