(22/11/2011)
A prosperidade de Europa dependerá da chegada de talento estranxeiro
Luns, 21 de Novembro de 2011
O desemprego e as dificultades económicas que afrontan os países da Unión Europea non diminuíron a necesidade que ten o continente de traballadores inmigrantes, que crecerá nos próximos anos. Por iso, Europa prepara unha serie de medidas para o fomento da entrada legal de profesionais estranxeiros con facilidades para a obtención dos permisos de residencia e, en certos casos, a eliminación da devandita autorización.
Contradicindo o discurso que se escoita en moitos países europeos, especialmente nas campañas electorais, a comisaria de Interior da UE Cecilia Malmstrom anunciou que as medidas para atraer talento estranxeiro buscan soster o sistema de benestar europeo.
Por iso, axudaráselles a atopar empregos axeitados ás súas capacidades e facilitaráselles o envío de diñeiro aos seus familiares nos países de orixe.
Aínda que a taxa media de desemprego na Unión rolda o 9,5% -o que en cifras absolutas tradúcese en 22,5 millóns de parados-, o envellecemento da poboación europea fai prever que non haberá suficientes traballadores que cubran postos cualificados. Malmstrom deixouno máis claro ao explicar que 'para asegurar a súa prosperidade, Europa debe converterse nun destino máis atractivo na competencia global para captar talento'.
De feito, os datos indican que o 62% do crecemento da poboación da rexión durante o ano pasado xerouna a inmigración.
En canto aos sectores nos que a demanda de profesionais é máis urxente, Malmstrom destacou que nos próximos dous ou tres anos necesitaranse preto de dous millóns de persoas no sector sanitario, principalmente médicos e enfermeiras, así como enxeñeiros e especialistas en tecnoloxías da información.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas