(08/11/2011)
O Concello de Ares e a agrupación veciñal AresSolidario organizaron o pasado sábado un magosto no municipio para recadar fondos para os proxectos educativos e sanitarios que promove a oenegué Ecogaia en Senegal. En total, desde a organización cifran en 2.000 euros as axudas recadadas, unha cantidade moi importante tendo en conta que pola situación económica actual os prezos dos produtos de degustación -castañas, licores e sobremesas caseiras- oscilaron entre os 2 e 1 euro.
Desde o Concello tamén queren agradecer a colaboración da Asociación O Tilo, que participou na celebración como encargada de organizar o desfile de carrozas decoradas para a ocasión.
A administración local achegou a súa axuda comprando 300 quilos de castañas á degustación na que participaron empresas e veciños. As botellas de licor foron doadas por firmas da zona e as sobremesas, polos veciños.
Ademais, a xornada tamén contou coa participación de bandas musicais, entre elas, un grupo senegalés que mostrou os bailes típicos do país.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas